“Ҳаммасини текислаш” — Исроил армияси мақсади фош бўлди

1 дақиқа ўқиш2K
“Ҳаммасини текислаш” — Исроил армияси мақсади фош бўлди
Исроилнинг Ғазо секторидаги ҳарбий операциясида қатнашган аскарлар уларга берилган аниқ кўрсатмалар ҳақида маълум қилди, деб trt.net.tr хабар берди. Улар бу ҳақда “Сукунатни бузиш” (Breaking the Silence) инсон ҳуқуқлари ташкилотига сўзлаб беришган.

Аскарлар сўзларига кўра, улар сектордаги баъзи ҳудудларни “стерил зона”га айлантириш буйруғини олган. Бу ҳудуд кенглиги 1,5 километргача бўлиб, у ерда ҳеч қандай бино, иссиқхона ёки экин қолмаслиги керак бўлган. Бу “Нэтсарим йўлаги” ва Ғазонинг шарқий чегарасида жойлашган ҳудудларга тааллуқли.
“Асосий вазифа — вайрон қилиш. Ҳаммасини текислаш керак,” — деган сержантлардан бири.

Breaking the Silence маълумотларига кўра, Исроил армияси 3500 га яқин биноларни ва сектор қишлоқ хўжалигининг 35 фоизига яқинини вайрон қилган. Бу эса Ғазонинг озиқ-овқат хавфсизлигини жиддий таҳдид остига қўйган.

Ҳарбийлар оғир техникалар билан бутун кварталларни бульдозерлар ёрдамида йўқ қилгани, қурбонлар жасадларини олиб чиққанлари ва ерларни миналаштиришгани ҳақида гапирган. Айтишларича, операция ҳудудига яқин келган ҳар қандай шахс хавф деб баҳоланган.

БМТ ва Amnesty International бу ҳаракатларни аввал ҳам ҳарбий жиноят деб баҳолаган. Breaking the Silence ташкилоти бундай зўравонлик фақат “ҳимоя” эмас, балки мажбуран кўчириш ва вайрон қилиш амалиёти эканини таъкидламоқда. Улар буни нормаллаштирмасликка чақираяпти.

Бу пайтда Исроилнинг ҳарбий-ҳаво кучларида хизмат қилган ва захирада бўлган 1000 га яқин учувчи ва аскарлар урушга қарши мурожаатномага имзо чеккан. Улар урушни тўхтатишни талаб қилган.

Раҳбарият улар билан алоҳида суҳбат ўтказиб, фикрларидан қайтишга чақирган. Фақат 25 киши ўз қарашидан воз кечган. Қолганлари таҳдидларга қарамай, ўз позициясида қолган. Ҳатто 8 киши қўшимча равишда норозилик билдирувчилар рўйхатига қўшилган.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?