Эстония “соя флоти” танкерини қўлга олди — денгизда байроқсиз сузиш жиноятга тенгми?

Эстония ҳарбий-денгиз кучлари халқаро қонунларни бузган, байроқсиз ҳаракатланган танкерни Болтиқ денгизида қўлга олди. Бу ҳақда бош вазир Кристен Михал ижтимоий тармоқда маълум қилди.

“Эрталаб флотовойлар ҳеч бир давлат байроғисиз сузган ва санкцияга тушган кемани тўхтатди. Ҳозирда унинг ҳуқуқий мақоми ва хавфсизлик ҳолати текшириляпти,” — деб ёзди у.

Бу кема қаерга кетаяпган эди?

Эстония ОАВ хабарига кўра, ушбу танкер Россиянинг Уст-Луга нефть портига йўл олган. Илгари Жибутида рўйхатдан ўтказилган, аммо ҳозирда ҳеч бир давлат байроғисиз сузган.

Бу ҳолат халқаро денгиз ҳуқуқига кўра бевосита қонунбузарлик ҳисобланади.

Операцияда вертолётлар ҳам иштирок этган. Танкер Таллин кўрфази яқинида тўхтатилган.

Россиянинг “соя флоти” нима?

Ғарб расмийларига кўра, Россия Болтиқ денгизида юзлаб байроқсиз, ҳужжатсиз танкерлардан иборат “соя флоти”ни шакллантирган.

Бу флот орқали нефть ва газ маҳсулотлари санкцияларни четлаб ўтиб экспорт қилинади.

Эстония чегара хизмати вакили Вейко Коммусаар:

“Сўнгги йил ичида Финляндия қўлтиғида шубҳали, ҳужжатсиз кемалар кескин кўпайди. Улар Россия соя флотининг бир қисмидир.”

Ҳарбий куч қўллашга рухсат берилди

Эстония парламенти бу ҳафтада ҳарбий-денгиз кучларига тижорат кемаларига қарши куч ишлатиш ҳуқуқини берувчи қонунни қабул қилди.

Чора денгиз тубидаги стратегик инфратузилма — электр линиялари, коммуникация тармоқлари ва энерготашувчиларни ҳимоя қилишга қаратилган.

Эслатиб ўтамиз, 2023 йил декабрида Финляндия ҳам шундай танкерни ҳибсга олган эди. У Эстония–Финляндия сувости электр линиясига зарар етказганликда гумон қилинган.

Сиз нима деб ўйлайсиз — халқаро қонунларни бузган кемаларга нисбатан ҳарбий куч ишлатиш қанчалик асосли ва хавфсиз ечим?

Эстония Соя флоти Россия Денгиз хавфсизлиги Байроқсиз кема