Украина ва АҚШ фойдали қазилмалар бўйича келишувга яқинлашди

Украина ва АҚШ фойдали қазилмалар соҳасида келишув тузиш ниятини тасдиқловчи меморандум имзолади, деб interfax.ru хабар берди.

Бу ҳақда Украина биринчи вице-премьери ва иқтисодиёт вазири Юлия Свириденко маълум қилди. Унинг таъкидлашича, бу ҳужжат икки мамлакат ўртасида иқтисодий ҳамкорликни кучайтириш йўлидаги муҳим қадамдир.

Свириденко сўзларига кўра, ҳозирда келишув матни устида иш олиб борилмоқда, кейин у имзоланади ва ҳар икки парламент томонидан ратификация қилиниши керак бўлади.

Аввалроқ АҚШ президенти Дональд Трамп ушбу битим 24 апрель куни имзоланишини маълум қилган эди. Март ойидаги музокаралар натижа бермаган, Трамп ва Зеленский ўртасида тортишувлар юз берган эди. «Замин»ни Telegram’да ўқинг!