АҚШ Украинадаги урушни тинч йўл билан ҳал қилишга ишонч билдирди

АҚШ вице-президенти Жей Ди Вэнс Украинадаги урушни тинч йўл билан ҳал қилиш бўйича имкониятлар борлигига ишонч билдирди. У бу ҳақда 18 апрель куни Римда Италия бош вазири Жоржа Мелони билан бўлган учрашувда айтиб ўтди.

«Биз бу шафқатсиз урушни тинч йўл билан тугатиш имконияти борлигига ишонамиз», – деди Вэнс. Бироқ у бу масалада аниқ тафсилотларни келтирмаган.

Аввалроқ Парижда АҚШ давлат котиби Марко Рубио ҳам Украинада ўт очишни тўхтатиш келишувига тез орада эришиш кераклигини таъкидлаган эди.

«Биз бир неча кун ичида бу урушни тўхтатиш бўйича келишувга эришиш мумкин ёки мумкин эмаслигини аниқлашимиз зарур. Агар бундай имконият бўлса, биз бу жараёнда иштирок этамиз, агар йўқ бўлса, бизнинг бошқа муҳим вазифаларимиз ҳам бор», – деди Рубио.

Шунингдек, АҚШ давлат котиби АҚШ сўнгги уч йил мобайнида Украинага ёрдам кўрсатиб келгани ва бу урушнинг тезроқ якунланишидан манфаатдор эканини таъкидлади.

«Биз бу уруш тугашини истаймиз, чунки бу бизнинг урушимиз эмас», – деди Рубио. «Замин»ни Telegram’да ўқинг!