Папа Франциск вафот этди: Ватикан қандай ўзгаради?

21 апрель куни 88 ёшида вафот этган Папа Францискнинг ҳаёти ва фаолияти Ватиканда кенг қамровли ислоҳотлар ва очиқ сиёсий баёнотлар билан ёдда қолди, деб Vedomosti хабар берди. Унинг ўлими Рим-католик черкови сиёсатида қандай ўзгаришлар бўлиши мумкинлиги ҳақида саволларни келтириб чиқарди.

Папа Франциск замонавий масалаларга нисбатан либерал ёндашуви билан танилган. У ЛГБТ жамоасига нисбатан бағрикенглик, мигрантларни қўллаб-қувватлаш, аёлларнинг черковдаги ролини кенгайтириш, шифокорларнинг аёлларга абортдан сўнг гуноҳларини кечириш ҳуқуқи ва никоҳ бекор қилишни соддалаштириш каби масалаларда муҳим қарорлар қабул қилган. Бу эса консерватив қанот ва айрим черков расмийларининг танқидларига сабаб бўлган.

Унинг даврида Ватиканда молиявий ва маъмурий ислоҳотлар амалга оширилди. Конфессиялараро мулоқотга катта эътибор қаратилди — у биринчи марта мусулмонлар билан Абу-Дабидаги биргаликдаги маросимда иштирок этди ва православлар билан 1000 йиллик танаффусдан сўнг учрашув ўтказди.

Янги понтифик ўртача йўлни танлаши кутилаяпти. Экспертлар кардинал Маттео Дзуппи (Украина бўйича Ватикан элчиси), консерватив лагер вакили Петер Эрде, дипломат Пьетро Паролин ва филиппинлик кардинал Антонио Таглени эҳтимолий номзодлар сифатида тилга олмоқда.

Ватикан сиёсатининг яқин истиқболдаги йўналиши – "илгарилаб келаётган модернизм": анъанавий эътиқодни замонавий муаммоларга мослаштириш орқали глобал таъсирни сақлаб қолиш бўлади.

Янгиликлар