Хитойдаги коррупцияга қарши кураш раҳбари порахўрликда айбланиб ҳибсга олинди

1 дақиқа ўқиш903
Хитойдаги коррупцияга қарши кураш раҳбари порахўрликда айбланиб ҳибсга олинди
Хитой прокуратураси мамлакатдаги юқори лавозимли амалдорлардан бири – Коммунистик партияси Марказий қўмитасида коррупцияга қарши курашиш бўлими раҳбари бўлиб ишлаган Ли Ганни ҳибсга олиш бўйича ордер берди. Бу ҳақда Хитойнинг «Синхуа» ахборот агентлиги маълум қилмоқда.

Маълум бўлишича, Ли Ган катта миқдордаги порахўрликда айбланяпти. Тергов жараёнида аниқландики, Ли Ган ўз хизмат мавқеидан фойдаланиб, мамлакат Коммунистик партияси Марказий қўмитасига турли мансабдор шахсларни танлаш ва уларни лавозимларга тайинлаш жараёнида пора олган, шунингдек, ноқонуний савдо фаолияти билан шуғулланган.

Бундан ташқари, Ли Ган Марказий қўмитага тегишли даромадли шартномаларни имзолаш ҳамда юқори лавозимларни таклиф қилиш эвазига бир қатор компания вакилларидан катта миқдорда пул ва қимматбаҳо буюмларни олиб келган. Бу ҳолат унинг хизмат ваколатини суиистеъмол қилиш билан боғлиқ эканлиги маълум қилинди.

Ушбу жиноятлари сабабли Ли Ган 7 апрель куни эгаллаган лавозимидан озод қилиниб, партия сафидан чиқарилган эди.

Эслатиб ўтиш жоизки, 2024 йилнинг декабрида ҳам Хитой Коммунистик партиясида шов-шувли коррупция иши бўйича қатл ҳукми чиқарилган эди. Хусусан, Хух-Хото шаҳрининг иқтисодий ва технологик тараққиёт зонаси ишчи қўмитасининг собиқ котиби Ли Жианпин Хитой Олий халқ судининг қарори билан қатл этилган. У давлат бюджетига тегишли қарийб 2 миллиард доллардан ортиқ маблағни ўзлаштирган ва 800 миллион доллардан зиёд порахўрлик қилганликда айбдор деб топилган.

Хитой ҳукумати бу каби ҳолатларга қарши кескин кураш олиб боряпти ва бундай шов-шувли ишлар мамлакатдаги коррупцияга қарши фаолиятнинг жуда жиддий кўринишини намоён қилмоқда. Юқори лавозимдаги амалдорларнинг пора олиш ҳолатларига қарши жиддий жазо чоралари қўлланилиши, мамлакат раҳбариятининг бу борадаги қатъий позициясидан далолат беради.

Ли Ганнинг ушбу иши ҳам Хитойдаги коррупцияга қарши курашнинг яна бир мисоли бўлиб, бу жараёнга нафақат Хитой жамоатчилиги, балки бутун дунё ҳам катта қизиқиш билан қарамоқда.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?