Украинада ўзбекистонлик маньяк умрбодга ҳукм қилинди

Украинада сўнгги 10 йил ичида биринчи марта сериявий қотилга нисбатан ҳукм чиқарилди. Бу иш бўйича Украина Миллий полицияси тергов ишларини якунлади ва айбдор сифатида Ўзбекистон фуқаросини аниқлади, деб UPL.uz хабар берди.

Терговга кўра, 2018 йилдан 2024 йилгача у 11 нафар инсон — 8 эркак ва 3 аёлни ваҳшийона ўлдирган. Қотил қурбонлар билан танишиб, уларнинг ишончини қозонган, кўпинча спиртли ичимликлар истаъмол қилган ҳолда вақт ўтказган. Қурбонлар ҳушёрликни йўқотган пайтда, у бўғиш ёки тош билан уриш усулида уларни ҳаётдан маҳрум қилган. Кейин эса қурбонларнинг пул, зеб-зийнат ва қимматбаҳо буюмларини ўғрилаган.

Энг даҳшатли ҳолатлардан бири Киевдаги Голосеев туманида содир бўлди — гул дўкони ходимаси 34 марта пичоқланган. Ушбу воқеа маньяк изига тушиш имконини берди ва кейинчалик унга тегишли бошқа жиноятлар ҳам фош этилди.

Суд қарорига кўра, Ўзбекистон фуқароси умрбод қамоқ жазосига ҳукм қилинди. «Замин»ни Telegram’да ўқинг!