Трамп армия учун рекорд бюджет сўрамоқчи

Дональд Трамп 2026 молиявий йили учун миллий хавфсизликни молиялаштириш мақсадида Конгрессга 1,01 трлн доллар сўров юборишни режалаштирмоқда, деб Nova24.uz хабар берди.

Bloomberg маълумотларига кўра, ушбу маблағ ракеталарга қарши мудофаа тизими — Golden Dome, кема қурилиши ва ядровий инфратузилмани модернизация қилишга йўналтирилади. Шунингдек, Америка ҳарбий хизматчиларининг маоши 3,8% га оширилиши кўзда тутилган.

Трамп ушбу таклифини глобал таҳдидлар ўсиши билан изоҳлади:
«Биз армия қуришимиз керак. Биз харажатларга жиддий қараймиз, аммо армия қурилиши шарт», — деди у.

Америка мудофаа вазири Пит Хегсет сўзларига кўра, сўралаётган маблағ юқори бўлишига қарамай, улар «хавфсизлик ва тайёргарлик» учун оқилона сарфланади. «Замин»ни Telegram’да ўқинг!