Россияда 11 ўзбекистонлик муштлашув учун қамалди

Россиянинг Амур вилоятида 11 нафар Ўзбекистон фуқароси оммавий муштлашувда қатнашгани учун ҳибсга олинди, деб NOVA24 хабар берди.
Жанжал 25 май куни Свободный шаҳридаги мактаб стадионида содир бўлган. Ўзбекистонлик эркаклар ўзаро муносабатларни мушт билан ҳал қилишга уринган.

Полиция томонидан ушланган фуқаролар Свободненский шаҳар суди томонидан «майда безорилик» моддаси бўйича айбдор деб топилди.

Айримлар айбини тан олгани ва афсусда эканини билдиргани сабабли енгилроқ жазо олди. Жиноят гуруҳ бўлиб содир этилгани эса жазони оғирлаштирувчи ҳолат сифатида баҳоланди.

Суд қарорига кўра, икки фуқарога 12 сутка, қолган тўққиз нафарга 14 сутка маъмурий қамоқ жазоси тайинланди. «Замин»ни Telegram’да ўқинг!