Флоридада олтин билан савдо қилишга рухсат берилади

Флорида губернатори Рон Десантис 2026 йил 1 июлдан амалга кириши керак бўлган янги қонунни имзолади, деб Kursiv хабар берди. Унга кўра, давлат ва хусусий ташкилотлар ўз хоҳишига кўра олтин ва кумушни тўлов воситаси сифатида қабул қилишлари мумкин бўлади.

Ушбу қонун асосида олтин ва кумуш Флорида штати ҳудудида расман қонуний тўлов воситаси сифатида эътироф этилади.

Шунингдек, Флоридада қимматбаҳо металлар билан боғлиқ савдо операцияларига солиқ бекор қилинади.

Десантис X ижтимоий тармоғидаги баёнотида бу ташаббус Флорида штатида молиявий мустақилликни мустаҳкамлашга қаратилганини таъкидлади.