Янги коронавирус штамми АҚШда хавотир уйғотмоқда

АҚШда янги коронавирус штамми — NB.1.81 билан боғлиқ хавотир ва уйғонишлар кучаймоқда. Бу штамм биринчи марта Хитойда аниқланган бўлиб, юқори юқиш хусусиятига эга эканлиги сабабли тезлик билан бутун дунё бўйлаб тарқалди.

Штаммнинг илк ҳолати март ойида Гонконгда қайд этилган ва қисқа вақт ичида Осиё минтақасидаги бошқа давлатларга ҳам етиб борган. Янги йўлланган маълумотларга кўра, НБ.1.81 штаммининг Нью-Йоркда аниқланиши АҚШ аҳолисининг хавотирини янада кучайтирган. Хитойда эса ушбу вариант билан боғлиқ госпитализациялар икки баробарга кўпайган ва 30 та ўлим ҳолати қайд этилган. Шу билан бирга, 81 беморда касаллик оғир шаклда кечмоқда.

NB.1.81 штамми аввалги вариантлардан юқиш тезлиги билан ажралиб туради. Аммо шифокорлар таъкидлашича, клиник белгилари асосан олдинги штаммлар билан ўхшаш — юқори ҳарорат, қаттиқ чарчоқ, томоқ оғриғи ва қуруқ йўтал асосий симптомлар сифатида қайд этилмоқда. Шу пайтгача Гонконгда янги генотип олдинги вариантларга қараганда хавфлироқ деган хулоса чиқарилмаган.

Россиялик инфекционист Владимир Чулановнинг таъкидлашича, ҳозирда Россия ҳудудида қўшимча чеклов чораларини жорий этишга ҳожат йўқ. Сабаби — NB.1.81 штамми билан боғлиқ касаллик оғирлиги олдинги коронавирус вариантларига ўхшаш. Санкт-Петербургда аниқланган икки ҳолатда ҳам беморлар тўлиқ соғайгани маълум қилинди, деб ёзади АН.

Таъкидлаш жоизки, ушбу маълумотлар орқали аҳоли янада эҳтиёт бўлиши ва соғлом турмуш тарзига жиддий эътибор қаратиши керак. Муттахассислар дунё бўйлаб кузатилаётган ўзгаришларни синчиклаб кузатиш ва керакли эҳтиёт чораларини кўришни тавсия этмоқда.