Россияда хорижий SIM-карталардан қўнғироқлар қабул қилиш тақиқланиши мумкин

Россияда телефон қаллоблигига қарши курашиш мақсадида янги қонун лойиҳаси ишлаб чиқилди. Унга кўра, россиялик абонентларга хорижий SIM-карталардан келаётган қўнғироқларни қабул қилиш тақиқланиши мумкин, деб хабар берди Rozetked.me.

Лойиҳага кўра, хорижий рақамлардан қўнғироқлар қабул қилишни хоҳлаган абонентлар ўз операторларига бу ҳақда олдиндан хабар бериши керак бўлади. Операторлар эса бундай қўнғироқларни махсус белгилар билан ажратиб кўрсатиши шарт бўлади.

Шунингдек, операторлар қаллобликда гумон қилинган рақамларни блоклашлари ва махсус реестрга киритишлари талаб этилади. Агар оператор бундай рақамни блокламаса ва абонентга зарар етказилса, оператор ушбу зарарни қоплашга мажбур бўлади.

Қонун лойиҳаси ҳозирда муҳокама жараёнида бўлиб, 2026 йил 1 мартдан кучга кириши мумкин. «Замин»ни Telegram’да ўқинг!