Германия шаҳри яшашни хоҳловчиларга бепул уй таклиф қилмоқда

1 дақиқа ўқиш28.4K
Германия шаҳри яшашни хоҳловчиларга бепул уй таклиф қилмоқда
Германиянинг шарқий қисмида жойлашган Айзенхюттенштадт шаҳри аҳолини кўпайтириш ва янги фуқароларни жалб этиш мақсадида бетакрор ташаббусни амалга оширмоқда. Шаҳар маъмурияти маълум қилишича, хоҳловчиларга 2025 йил сентябрь ойида икки ҳафтанинг ўзида тўлиқ жиҳозланган турар жойлар бепул тақдим этилади.

Айзенхюттенштадт Берлиндан 96 километр узоқликда, Польша билан чегарага яқин жойлашган. Мазкур ташаббус “Режаларни ҳозирдан тузинг” деб номланган инновацион иммиграция дастури доирасида амалга оширилмоқда. Бу орқали шаҳарни қайта тиклаш, инфратузилмани ривожлантириш ва аҳоли сонини кўпайтириш мақсад қилинган.

Маъмуриятнинг билдиришича, дастур асосан доимий яшаш учун кўчиб келишни ўйлаётган малакали мутахассислар, фрилансерлар ва ўз бизнесига эга инсонларга қаратилган. Иштирокчилар 6 сентябрдан 20 сентябргача шаҳардаги ҳаёт, меҳнат бозори, инфратузилма ва имкониятлар билан танишиш имконига эга бўлади.

Айзенхюттенштадт — тарихий ва иқтисодий жиҳатдан аҳамиятли шаҳар. 1950 йилда Шарқий Германия давлати томонидан асос солинган ва аввалроқ Сталинштадт номи билан танилган. Германия бирлашганидан сўнг ном ўзгариб, ҳозирги ҳолатига келган. Шаҳарда социалистик даврдан қолган архитектура намуналари ҳалигача сақланиб қолган бўлиб, улар тарихий ёдгорлик сифатида рўйхатга олинган.

Айни вақтда бу ерда 24 мингга яқин аҳоли истиқомат қилади ва шаҳарда Германиянинг энг йирик пўлат заводларидан бири фаолият юритади. Заводда 2500 киши доимий иш билан таъминланган бўлиб, шаҳар иқтисодиётида муҳим ўрин тутади.

Шу тариқа, Германиядаги ушбу ташаббус нафақат янги истиқоматчиларга, балки иқтисодий ва ижтимоий ривожланишга ҳам туртки бериши кутилмоқда.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?