2025 йил 1 июлдан бошлаб АҚШнинг Халқаро тараққиёт агентлиги — USAID ўз фаолиятини расман тўхтатди, деб Kursiv.media хабар берди.
АҚШ президенти Дональд Трамп маъмурияти қабул қилган қарорга кўра, агентлик енди хорижий ёрдам билан шуғулланмайди. Бундан буён барча халқаро ёрдам дастурлари АҚШ Давлат департаменти назоратига ўтади ва фақат мамлакат манфаатларига мос ҳолда амалга оширилади.
АҚШ давлат котиби Марко Рубионинг айтишича, USAID юзлаб миллиард доллар сарфлаган бўлса-да, барқарор натижаларга эриша олмаган. Кўплаб давлатлар молиявий ёрдам олганига қарамай, халқаро майдонда АҚШга қарши овоз беришда давом этган. Масалан, Африка мамлакатлари БМТда фақат 29% ҳолатда АҚШ позициясини қўллаб-қувватлаган.
Шунингдек, маблағларнинг катта қисми халқаро ННТларни молиялаштиришга кетгани, баъзи ҳолларда эса маблағлар террорчи гуруҳлар билан боғлиқ ташкилотлар қўлига тушгани қайд этилган. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Мавзуга оид янгиликлар
