Индонезияда чақалоқлар савдоси фош этилди: мудҳиш тафсилотлар

1 дақиқа ўқиш2.7K
Индонезияда чақалоқлар савдоси фош этилди: мудҳиш тафсилотлар
Индонезияда болалар тақдири савдо предметига айланди: полиция халқаро синдикат фаолиятини фош этди, деб хабар берди bbc.com. Расмий маълумотларга кўра, жиноятчилар гуруҳи 2023 йилдан буён камида 25 нафар чақалоқни Сингапурдаги харидорларга сотиш билан шуғулланган. Очиқланган схемаларда болалар ҳатто она қорнидаёқ «захира» қилиб қўйилган ҳолда, махсус тармоқ орқали савдога чиқарилган.

Полиция бу ҳафта Понтианак ва Тангеранг шаҳарларида яна олти чақалоқни сотиш арафасида 13 кишини ҳибсга олди. Расмийлар маълум қилишича, чақалоқлар махсус хонадонларда сақланган ва уларга Сингапурга олиб чиқиш учун иммиграция ҳужжатлари расмийлаштирилган. Ғарбий Ява полицияси жиноий тергов бўлими бошлиғи Сураван, “Бу болаларга барча расмий ҳужжатлар тайёрланиб, улар махсус тартибда Сингапурга жўнатилган”, дея таъкидлади.

Маълум бўлишича, синдикат ўз фаолиятида ота-оналарнинг молиявий қийинчиликларидан фойдаланган. Айнан ўз фарзандини тарбиялашга ожиз ёки моддий имконияти йўқ ота-оналар, ёки бўлажак оналар билан ижтимоий тармоқлар, айниқса Facebook ва WhatsApp орқали алоқа ўрнатилган. Баъзи ҳолларда, чақалоқлар туғилгунга қадар «резервация» қилиб қўйилган, онага туғруқ харажатлари тўлаб берилган ва кейинчалик муайян миқдорда пул эвазига чақалоқлар олиб кетилган.

Тергов давомида аниқланишича, болаларни сотиш схемасида изловчилар, васийлар, хонадон эгалари ҳамда ҳужжатларни сохталаштирувчи шахслар иштирок этган. Чақалоқлар онадан олиб қўйилгач, улар 2-3 ойга васийларга топширилган, кейин эса Жакарта ва Понтианак шаҳарларида туғилганлик тўғрисидаги гувоҳнома, паспорт ва бошқа ҳужжатлар тайёрланган.

Савдо нархлари ҳам расман қайд этилган: ҳар бир чақалоқ 11-16 миллион Индонезия рупиясига (670-980 долларга) сотилган. Синдикат иштирокчилари сўроқ пайтида Индонезияда ҳам, ундан ташқарида ҳам камида 12 нафар ўғил ва 13 нафар қизни сотганини билдиришган.

Полициянинг тахминича, айрим ота-оналар молиявий қийинчилик туфайли фарзандларини сотишга рози бўлган. Агар келишув исботланса, барча иштирокчиларга болаларга қарши жиноятлар ва одам савдоси моддалари бўйича айблов қўйилади.

Ҳозирда Индонезия полицияси Интерпол ва Сингапур полициясига синдикатнинг чет элдаги аъзоларини ва болаларни сотиб олувчиларни топишда ёрдам сўраб мурожаат қилган. Таҳлилчилар фикрича, мазкур ҳолат жамиятдаги катта муаммолардан бири — инсон савдоси ва болалар ҳуқуқлари бузилишига жамоатчилик эътиборини янада кучайтиради.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?