Бир ёшли бола илонни тишлаб ўлдирди
Ҳиндистоннинг Чхаттисгарҳ штатидаги қишлоқлардан бирида бир ёшли бола ўзига ўралиб, чаққан заҳарли кобрани икки марта тишлаб ўлдирди. Ота-онаси болани дарҳол шифохонага олиб борди ва тез тиббий ёрдам натижасида унинг ҳаёти сақлаб қолинди. Шифокорлар илон чақиши юзаки бўлгани сабабли заҳар боланинг танасига тарқалмаганини айтди. Маҳаллий ОАВ ва ижтимоий тармоқларда у "қаҳрамон чақалоқ" деб аталмоқда.
Ҳиндистонда содир бўлган воқеа дунё жамоатчилигини ҳайратда қолдирди: бир ёшли бола заҳарли кобрани тишлаб ўлдирди. Бу ҳолат Чхаттисгарҳ штатидаги қишлоқлардан бирида юз берган. Болажон уйи ҳовлисида ўйнаб юрган пайтда илон қўлига ўралиб олган ва чаққан.
Илон чақишига жавобан бола қўрқиш ўрнига унинг танасини икки марта қаттиқ тишлаган. Кўп ўтмай кобра ўлган. Боланинг ота-онаси дарҳол уни шифохонага олиб боришган. Тез тиббий ёрдам натижасида бола ҳаётини сақлаб қолган. Шифокорлар заҳар танасида тарқалмаганини айтмоқда.
Маҳаллий тиббиёт ходимларининг сўзларига қараганда, болага илон чақиши енгил таъсир қилган, чунки чақиш юзаки бўлган. Тезкор тиббий ёрдам эса унинг ҳаётини сақлаб қолишга ёрдам берган. Воқеа ортидан боланинг жасурлиги ва табиий рефлекслари кўпчиликни лол қолдирди.
Маҳаллий ОАВ ва ижтимоий тармоқларда бола ҳақида "қаҳрамон чақалоқ" деб ёзилмоқда. Бу ҳолат аҳоли орасида эҳтиёткорликни ошириш зарурлигини яна бир бор эслатди. Ҳиндистонда ҳар йили минглаб одамлар илон чақиши оқибатида жабрланади.
Изоҳлар 0
…