АҚШ президенти Доналд Трамп яқинда “New York Post” нашрига берган интервьюсида Россия ва Украина ўртасидаги можаро, шунингдек, унинг бу масаладаги шахсий ёндашуви ҳақида фикр билдирди. Унинг таъкидлашича, бу позицияга унинг турмуш ўртоғи Мелания Трамп катта таъсир кўрсатган.
“Биз Путинни яхши биламиз. Мелания ҳам унга нисбатан ижобий муносабатда. Одамлар билан тил топишиш керак”, — деб айтиб ўтган Трамп. У рафиқасининг дунёқараши, ҳаётий тажрибаси ва бетараф сиёсий нуқтаи назарини алоҳида таъкидлаб ўтди.
Трамп, шунингдек, Меланиянинг Украина можароси бўйича қон тўкилишига қарши эканлигини ва тинчликни таъминлаш тарафдори эканлигини таъкидлади. Унга кўра, рафиқаси ҳар қандай муаммони дипломатик йўллар билан ҳал қилиш тарафдори бўлиб, унинг фикрлари сиёсий қарорларни қабул қилишда ҳам муҳим аҳамият касб этади.
Айрим оммавий ахборот воситалари эса Трампнинг Россия билан алоқалардаги ёндашувига айнан Мелания таъсир кўрсатганини таъкидламоқда. Бу АҚШ сиёсий саҳнасида биринчи хонимнинг давлат сиёсатга таъсирини яна бир бор кўрсатиб берди.
«Замин»ни Telegram’да ўқинг!
