Қирғизистонда Пик Победада йўқолган икки эронлик альпинистни қидириш ишлари тўхтатилди, деб News.ru хабар берди. Республика ФВВ маълумотича, ҳудудда об-ҳаво шароити жуда ёмон.
Барча қидирув ишлари тўхтатилган, бу йил улар қайтадан давом эттирилиши ёки эттирилмаслиги ҳозирча номаълум.
Маълум қилинишича, эронлик альпинистлар Марьям Пилеҳвари ва Ҳасан Сейфолла август бошида Пик Победага кўтарилиш учун келган. Улар сўнгги марта деярли икки ҳафта олдин алоқага чиққан. Тахминларга кўра, улар ҳалок бўлган бўлиши мумкин.
Аввалроқ Россиялик альпинистка Наталья Наговицына 12 август куни Пик Победада оёғи синган ҳолда қолиб кетгани ҳақида хабар берилган. Унинг қутқариш операцияси муваффақиятли якунланди.
Шунингдек, уни қутқаришга икки марта уриниш қилган италиялик альпинист ҳалок бўлган. У 6,8 минг метр баландликда ўзини ёмон ҳис қила бошлаган. Доқторлар билан радиобоғланиш орқали унда мия шишиши белгилари аниқланган, аммо уни сақлаб қолишнинг иложи бўлмаган.
«Замин»ни Telegram’да ўқинг!
