Финляндияда 1,6 минг ҳарбий иштирокида машқлар ўтмоқда

Финляндияда Европа ва АҚШ ҳарбийлари иштирокида халқаро махсус кучлар машғулотлари бошланди, деб News.ru хабар берди. Машқлар 12 сентябрга қадар давом этади ва унда тахминан 1,6 минг аскар иштирок этади.

Тадбирларда НАТО мамлакатларининг Шимолий Европадаги тезкор чораларини амалга ошириш машқ қилинади. Бунда NH90 ва MD500 вертолётлари, F/A-18 Hornet жангчи учоқлари ҳамда Европа ва АҚШга тегишли бошқа ҳарбий ҳаво воситалари жалб этилади.

Аввалроқ Арманистон ва АҚШ уч йилдан бери кетма-кет Eagle Partner 2025 машқларини ўтказган эди. Шунингдек, июль ойида Грузия ва НАТО Agile Spirit 2025 доирасида қўшма машқларни амалга оширди.

Нодирбек Раззоков

«ЗАМИН.УЗ» муҳаррири