1 сентябрдан Латвияга электрон декларациясиз кириш мумкин бўлмайди, деб Kursiv xabar берди.
2025 йил 1 сентябрдан бошлаб Латвияга саёҳат қилувчи учинчи давлат фуқаролари учун янги қоидалар кучга киради. Унга кўра, миллий виза ёки яшаш гувоҳномасига эга бўлмаган Ўзбекистон фуқаролари сафар олдидан eta.gov.lv сайти орқали электрон декларация тўлдириши шарт.
Ушбу анкета камида 48 соат олдин тўлдирилиши керак. Тасдиқ хат электрон почтага юборилади ва чегарадан ўтишда тақдим этилади.
Қоидалар кимларга тааллуқли
Янги талаб деярли барча хорижликларга тааллуқли. Фақат ЕИ, НАТО, ЕОИИ, OECD, Швейцария ва Бразилия фуқаролари бундан мустасно — уларга декларация керак эмас.
Талабга амал қилмаслик оқибатлари
Қонунбузарлар Латвияга кириш ҳуқуқидан маҳрум қилиниши мумкин.
Шунингдек, 2000 евро (тақрибан 27 млн сўм)гача жарима солиниши мумкин.
Кейинги сафарларга чекловлар ҳам жорий қилиниши мумкин.
Қандай тўлдирилади
eta.gov.lv сайтига кирилади
Электрон декларация тўлдирилади
Тасдиқ хат e-mail орқали олинади ва чегарада кўрсатилади
