Саудия Арабистони Ҳаж ва Умра ишлари вазирлиги мамлакатга кириш учун амал қилувчи исталган турдаги виза эгалари — жумладан, туристик, оилавий, ишчи ва транзит визаларига эга бўлганлар ҳам эндиликда Умра зиёратини адо этишлари мумкинлигини маълум қилди, деб Uz24.uz хабар берди.
Бу қарор хорижий фуқаролар учун диний маросимларни соддалаштириш, зиёрат жараёнларини қулайлаштириш ҳамда диний туризмни ривожлантиришга қаратилган. Ташаббус Саудия Арабистонининг “Vision 2030” миллий стратегияси доирасида амалга оширилмоқда.
Сўнгги йилларда подшоҳлик Умра ва Ҳаж хизматларини рақамлаштириш, онлайн виза олиш, меҳмонхона брон қилиш каби хизматларни ривожлантириб, зиёратчилар учун янада замонавий ва қулай шароитлар яратмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
