Ўзбекистонликлар Саудия Арабистонига саёҳатни 48,1% га кўпайтирди

Курсив Узбекистан ёзишича, 2025 йилнинг январь–август ойларида Саудия Арабистонига 165,7 минг нафар Ўзбекистон фуқароси борган. Бу кўрсаткич ўтган йилга нисбатан 48,1 фоизга кўп.

Натскомстат маълумотларига кўра, 141,6 минг киши саёҳат мақсадида борган,
23,5 минг киши қариндошларини зиёрат қилиш учун,
548 киши даволаниш учун,
шунингдек, 62 нафар фуқаро ишлаш, 18 нафар эса ўқиш мақсадида борган.

Эслатиб ўтамиз, жорий йил июль ойида 15 минг нафар ўзбекистонлик ҳаж зиёрати учун Саудия Арабистонига етиб борган эди. Улар учун тўққизта шаҳардан махсус авиарейслар ташкил этилган, парвозларни ички ва халқаро авиакомпаниялар амалга оширган.