Telegram асосчиси Павел Дуров яқинда Лувр музейида содир бўлган ўғирликдан сўнг Франция ҳукуматини қаттиқ танқид қилди ва ўғирланган тақинчоқларни шахсан ўзи сотиб олиб, музейга қайтаришга тайёрлигини маълум қилди.
У ўзининг X ижтимоий тармоғида ёзган постида Франция раҳбариятини “ҳақиқий таҳдидлар билан курашиш ўрнига сохта таҳдидлар ортидан қувишда” айблади.
“Луврнинг талон-торож қилиниши мени ҳайратга солмади. Бу бир вақтлар буюк бўлган мамлакатнинг таназзулининг навбатдаги аламли белгисидир”, — деб ёзди Дуров.
Орадан кўп ўтмай, у яна бир изоҳ қолдириб, “ўғирланган тақинчоқларни бажонидил сотиб олиб, уларни Абу-Даби Луврига қайтаришга тайёрман. Абу-Дабидаги Луврдан ҳеч ким ўғирламайди”, дея қўшимча қилди.
Эслатиб ўтамиз, Павел Дуров ўтган йили Францияда ҳибсга олиниб, кейин озод этилган эди. У ўзининг сўнгги баёнотида бу воқеа Франциянинг эркин давлат сифатидаги обрўсига путур етказганини таъкидлади.
“Zamin”ни Telegram'да ўқинг!
