Россия президенти Владимир Путиннинг таъкидлашича, Москва Ҳиндистоннинг тез суръатлар билан ўсиб бораётган иқтисодиётини қўллаб-қувватлаш мақсадида ушбу мамлакатни барқарор ва узлуксиз ёқилғи билан таъминлашни давом эттиради. Бу ҳақда у Ҳиндистон Бош вазири Нарендра Моди билан учрашувдан сўнг маълум қилди.
Путиннинг айтишича, энергетика соҳасидаги ҳамкорлик мустаҳкам илдам бормоқда ва Россия Ҳиндистон учун ишончли етказиб берувчи сифатида ўзини намоён қилган. Нефть ва нефт маҳсулотлари бўйича савдо ҳамда Ҳиндистон корхоналарида Россия нефтини қайта ишлаш режага мувофиқ амалга оширилмоқда.
Август ойида АҚШ президенти Дональд Трамп Ҳиндистонга Россия нефтини харид қилиш учун қўшимча 25 фоиз бож жорий этганди. Вашингтон, шунингдек, бу каби чораларни Россиянинг бошқа шерикларига ҳам татбиқ қилиш мумкинлигини маълум қилган.
Вазиятга изоҳ берган Ҳиндистон Бош вазири Нарендра Моди мамлакат ўз иқтисодий манфаатларини ҳимоя қилишда қатъий эканини, ҳатто бу катта сарф-харажатларга олиб келса ҳам, орқага чекинмаслигини таъкидлади.
Россия ТИВ раҳбарияти эса АҚШнинг тариф таҳдидлари Нью-Деҳлининг позициясига таъсир қилмаганини, Ҳиндистон Россия ёқилғисини импорт қилиш режаларини ўзгартишни ўйламаётганини маълум қилди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
