Reuters маълумотларига кўра, Россия зарбалари оқибатида Киев шаҳрининг 60 фоиздан ортиғи электрсиз қолмоқда. Украина Президенти Володимир Зеленский буни X ижтимоий тармоғида маълум қилди.
Президентнинг айтишича, эрталаб Киевда тахминан 4 минг бино иситилмаяпти. Ҳаво совуқ бўлиб, кўплаб одамлар бир неча соат ёки умуман электрсиз яшамоқда.
Шарқдаги Харкив вилоятида ҳам электр таъминоти бузилган. Вилоят раҳбари Олег Синиҳубов чоршанба куни 520 минг истеъмолчи электрсиз қолганини билдирди. Бу кўрсаткич сешанба кунига нисбатан камайган, аммо ҳудуд яна ҳужумга учраган.
Жанубий Одеса вилоятида DTEK компанияси бир иншоот зарар кўрганини ва бир неча минг хонадон электрсиз қолганини айтди. Электр тикланган жойларда ҳам кун давомида узилишлар бўлиб турмоқда. Мобил алоқа хизматларига ҳам таъсир қилиб, Kyivstar тармоғининг тахминан 10 фоизи ишламай қолди.
“Zamin”ни Telegram'да ўқинг!
