Анқарада кучли ёмғир сув тошқинларига сабаб бўлди

Туркия пойтахти Анқарада кучли ёмғир ва дўл ёғиши оқибатида бир қатор ҳудудларда сув тошқинлари кузатилди.

Йоғингарчилик сабаб ерости ўтиш жойлари, айрим уйлар, дўконлар ва автомобилларни сув босган.

Кучли ёмғир йўлларда тирбандлик ва транспорт ҳаракатида узилишларга ҳам олиб келди.

Маҳаллий ОАВ маълумотларига кўра, айрим кўчалар ва касалхона чорраҳаси атрофида вазият оғирлашган.