Жанубий Корея собиқ президенти учун яна ўлим жазоси сўралди
Жанубий Корея махсус прокуратураси мамлакат собиқ президенти Юн Сок Ёлга нисбатан давлат тўнтаришига уриниш иши бўйича яна ўлим жазосини талаб қилди. Ушбу суд жараёни 2024 йилда республикада ҳарбий ҳолат жорий этилиши билан боғлиқ бўлиб, прокуратура аввалги умрбод қамоқ жазосини жуда енгил деб ҳисобламоқда. Юн Сок Ёлнинг судяни рад этиш ҳақидаги илтимоси Олий суд томонидан қаноатлантирилмагач, апелляция суди давом этмоқда.
Жанубий Корея собиқ президенти Юн Сок Ёлга қарши давлат тўнтаришига уриниш иши бўйича апелляция суди давом этмоқда. Yonhap агентлиги хабарига кўра, махсус прокуратура собиқ давлат раҳбари учун яна ўлим жазоси талаб қилди.
Иш 2024 йилда мамлакатда ҳарбий ҳолат жорий этилиши билан боғлиқ. Суд жараёни Юн Сок Ёлнинг судьяни рад этиш ҳақидаги илтимоси сабаб вақтинча тўхтатилган, бироқ Олий суд бу талабни қаноатлантирмаган.
Аввалроқ биринчи инстанция суди Юн Сок Ёлни давлат тўнтаришига уринишга раҳбарлик қилганликда айбдор деб топиб, умрбод қамоқ жазосига ҳукм қилган эди.
Прокуратура ушбу ҳукмни жуда енгил деб ҳисобламоқда. Шунингдек, собиқ ҳарбий қўмондон Но Сан Воннинг ёзувлари муҳим далил сифатида баҳоланиши кераклигини таъкидламоқда.
Изоҳлар 0
…