Сониясига 30 та чивин: Хитойда чивинларни лазер билан йўқ қиладиган қурилма яратилди
Хитойнинг сунъий интеллект стартапи ҳаводаги ҳашаротларни аниқлаб, лазер нури ёрдамида сониясига 30 тагача чивинни йўқ қиладиган қурилма ишлаб чиқди. Ушбу лойиҳа учун дунёнинг 50 дан ортиқ мамлакатидан 4 мингдан зиёд фойдаланувчи томонидан тахминан 3 миллион доллар сармоя тўпланди. Нейрон тармоқ орқали ишлайдиган ускуна ҳаводаги ҳаракатларни сканерлайди ва 3 метргача бўлган масофани қамраб олади.
Хитойнинг сунъий интеллект соҳасида ишлайдиган стартапи чивинларга қарши янги қурилма ишлаб чиқди. Тизим ҳашаротларни автоматик тарзда топади ва лазер нури орқали йўқ қилади.
Ушбу лойиҳа учун тахминан 3 миллион доллар сармоя тўпланган. Уни дунёнинг 50 дан ортиқ мамлакатида яшовчи 4 мингдан зиёд фойдаланувчи қўллаб-қувватлаган.
Қурилма нейрон тармоқ орқали ҳаводаги ҳаракатларни сканерлайди. Чивиннинг жойлашуви аниқлангач, унга лазер нури йўналтирилади. Ишлаб чиқувчилар ускуна уйда ва ташқи муҳитда ишлашини айтмоқда.
Маълумотларга кўра, тизим сониясига 30 тагача чивинни йўқ қила олади. Қурилманинг таъсир доираси 3 метргача бўлган масофани қамраб олади.
Изоҳлар 0
…