Cаудия Арабистонидаги тўйларнинг бирида меҳмонларга iPhone кўринишидаги конфетлар улашилди

Хабарда ёзилишича, Жидда шаҳрида бўлиб ўтган тўйда меҳмонларга iPhone кўринишидаги конфетлар тарқатилган. YouTube га жойлаштирилган тўй видеосида ҳам бу ҳолат яққол акс этганини кўриш мумкин.

Маросимда официантлар iPhone телефонлари жойлаштирилган патнисларни кўтариб чиқишгани тасвирга олинган. Тантана иштирокчиларидан бири Al Bawaba интернет нашрига берган интервьюсида ушбу “телефонлар” конфет ўрами эканлигини айтган.

Анъаналарга кўра, бундай саҳийлик тўй эгаларининг меҳмондўстлигини англатар экан.

Интернет фойдалувчилари мазкур ҳолатга исрофгарчилик сифатида қараб, танқид тошларини ёғдирмоқдалар. «Замин»ни Telegram’да ўқинг!