Покистондаги кўмир шахтасида портлаш юз берди. Қурбонлар 20 киши…

Покистоннинг Белужистон вилоятига қарашли Кветта шаҳридаги кўмир конида фожиа юз берди. Бу ерда газ портлаши туфайли кўмир шахтаси қулаб тушди. Ўша маҳал кончилар шахтада ўз вазифаларини адо этишаётганди. Шахта қулаши жами 20 кишини ҳаётдан олиб кетди. Ўнлаб одамлар оғир жароҳат олди. Мутасаддиларнинг хабар қилишича, яна бир киши вайроналар остида қолиб кетган. Қутқарувчилар кончини юқорига чиқариб олиш масаласида тезкор ҳаракатларни бошлаб юборишган.

Эслатиб ўтамиз, Грузияда ҳам яқинда шахта қулаб тушиши натижасида олти киши ҳалок бўлган, шунча одам жиддий жароҳат олганди.

Манба: Hordiq.uz «Замин»ни Telegram’да ўқинг!