Қозоғистон Россиянинг бир қатор минтақаларидан паррандачлик маҳсулотлари олиб киришни тақиқлади

26 июль куни Қозоғистон қишлоқ хўжалик вазирлиги Россиянинг Орлов, Ростов ва Нижегород вилоятларидан паррандачилик маҳсулотлари олиб киришни ушбу минтақаларда “юқори патоген парранда вируси” янгитдан тарқалиши қайд этилганлиги муносабати билан чеклаб қўйганлигини хабар қилди.

Матбуот хизматининг хабарига кўра, ветеринария кузатуви ва назорати қўмитаси томонидан Қозоғистон ҳудудига тирик парранда ва инкубация
тухумлари, пар ва пат, парранда гўшти ва юқори ҳароратда ишлов беришдан ўтказилмаган барча турдаги паррандачилик маҳсулотларини олиб киришга вақтинчалик чеклов киритилди.

Матбуот хизмати чеклашлар паррандалар учун озуқа ва озуқа қўшимчалари, таксидермик ишловдан ўтмаган овчилик ўлжалари (қуш гўшти), шунингдек, кўрсатилган вилоятлардан келтириладиган, аввал ишлатилган қуш сўйиш ва бўлаклаш ускуналарига ҳам тааллуқли эканлигини хабар қилмоқда.

Манба: Tnews.uz «Замин»ни Telegram’да ўқинг!