Ўйинчоқлар ҳақида ҳикоя қилиш билан машҳур бўлган 7 ёшли Райан бир йилда 11 миллион долларга яқин пул ишлаб топади.
Эндигина биринчи синфга бораётган Райан уч йилдан бери «YouTube»да «Ryan ToysReview» каналини юритади, унда ўйинчоқлар ҳақида ҳикоя қилади, янги ўйинчоқларни синовдан ўтказади ва болаларга тавсия қилади. Видеоларни унинг ота-онаси тасвирга олади. Улар барча вақтларини фарзандининг қизиқишига сарфлаш учун ўз ишларидан ҳам бўшашган. Албатта, бу қизиқиш оилага яхшигина даромад ҳам келтириб турибди. Райан ўзининг даромади билан «Forbes» журнали ўтган йили тузган энг бой блогерлар рейтингига ҳам кирган. Аммо Райаннинг ота-онаси бу фақатгина қизиқиш эканини ва қачондир бола видеолардан чарчаса, бу иш тўхтатилишини айтишмоқда.
Бола кўплаб ўйинчоқларни синовдан ўтказганига қарамай, унинг уйи ўйинчоқларга тўла эмас. Унинг ота-онаси ортиқча ўйинчоқларни дўстларига совға қилишади ёки хайрия учун топширишади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
