5 505
Атлантика океанида бир йил аввал йўқолиб қолган “Сан-Хуан” сув ости кемаси топилди (фото)
Атлантика океанида бир йил аввал йўқолиб қолган, Аргентинага қарашли “Сан-Хуан” сув ости кемаси топилди. Кемани АҚШнинг Ocean Infinity компанияси аниқлаган. Аввалроқ компания кема йўқолган ҳудудда 800 метр чуқурликда узунлиги 60 метр келадиган йирик объектни аниқлагани маълум қилинганди. Seabed Constructor кемаси ушбу объектни бошқарилувчи сув ости қурилмаси ёрдамида тадқиқ қилган.
Кема 2017 йил 15 ноябрда Мар-дель-Платадаги Ушуайя ҳарбий-денгиз базасига йўналаётганда йўқолиб қолган. Кема бортида 44 киши бўлган.
Маълум қилинишича, кема соҳилдан 500 км узоқликда топилган. Унинг бўлаклари кема атрофида 80-10 метргача сочилиб ётган. Капитан Энрике Бальбининг айтишича, бу катта эҳтимоллик билан, кема охирги алоқага чиққандан 2 соат ўтиб, у сув тубига яқин бўлганда унда ичига йўналган портлаш содир бўлганини англатади.
Фото: AP
Аргентина президенти Маурисио Макри кема экипажининг ҳалокати муносабати билан 3 кунлик мотам эълон қилди.
“Уларнинг барчасига ҳурмат бажо келтириш сифатида 3 кунлик мотам эълон қиламиз”, деб айтилган президент баёнотида.
Макри, шунингдек, сув ости кемасини излашда иштирок этган барча давлатларнинг ишини юқори баҳолаб, уларга миннатдорлик билдирган.
Фото: AP Photo/Federico Cosso
Кема Германияда қурилган, Аргентина ҳарбий-денгиз кучлари сафига эса 1985 йилда киритилган. Кеманинг узунлиги 66 метрни ташкил қилган. Бундай турдаги сув ости кемалари сув сиртига чиқмай 2 кунгача сув остида қолиши мумкин. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
«Реал Мадрид» устози Карло Анчелотти кечаги ғалабадан сўнг нималар деди?
Қозоғистонлик миллиардерлар сув тошқинидан зарар кўрган ҳудудларга маблағ ажратди
Хотирани яхшилашнинг жуда оддий усули топилди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Қондаги шакар миқдорини тартибга солувчи фойдали мева номи айтилди