08:47 / 16.12.2018
2 653

2018 йилнинг энг оммабоп диққатга сазовор масканлари эълон қилинди

2018 йилнинг энг оммабоп диққатга сазовор масканлари эълон қилинди
2018 йилда энг оммабоп диққатга сазовор маскан Римдаги Колизей бўлди. Бу ҳақда сайёҳларнинг брон қилиш бўйича статистикасига асосланиб TripAdvisor хабар қилмоқда.

Кейинги ўринларда Римдаги Ватикан музейи, Нью-Йоркдаги Озодлик ҳайкали, Париждаги Лувр музейи ва Эйфел минораси жойлашди. Энг оммабоп масканлар ўнталигига шунингдек, Барселонадаги Базилика Саграда-Фамилия, Сан-Францискодаги Олтин дарвоза кўприги, Британиядаги Стоунхенж, Версал саройи ва Венециядаги Гранде канали кирди.

2017 йилда энг оммабоп масканлар рейтингида биринчи ўринни Ватикан музейи эгаллаганди. Иккинчи ўринда Чикаго шаҳри, учинчи ўринда Колизей қайд этилганди. Рўйхатдан шунингдек, Базилика Саграда-Фамилия, Эйфел минораси, Калифорниядаги Warner Bros. киностудияси, Нью-Йоркдаги Эмпайр-стейт-билдинг жой олганди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » 2018 йилнинг энг оммабоп диққатга сазовор масканлари эълон қилинди