18:10 / 13.12.2019
3 366

Алмазбек Атамбаевга қотиллик айблови қўйилди

Алмазбек Атамбаевга қотиллик айблови қўйилди
Фото:«Sputnik»
Қирғизистон собиқ президенти Алмазбек Атамбаевга қотиллик айблови қўйилди, дея ёзмоқда «Интерфакс».

7 август куни Атамбаевнинг Қўй-Тошдаги қароргоҳида махсус кучлар томонидан илк қўлга олиш амалиёти муваффақиятсизликка учраган эди. Ушбу тўқнашувда «Альфа» махсус кучлар аскарларидан бири Усенбек Ниязбеков жароҳатлар оқибатида ҳалок бўлган.

Бир кундан сўнг, махсус кучлар қароргоҳга кириб, Атамбаевни таслим бўлишга кўндиришганди.
Бироз аввал собиқ раҳбарга нисбатан экспертиза текшируви ҳам тайинланган эди. Аммо Атамбаев мазкур амалиётни қатъиян рад этган.

Қирғизистон собиқ президентига қотилликдан аввал, коррупция, мансабини суистеъмол қилиш, катта жиноятчиларга озодлик бериш каби айбловлар қўйилган эди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Алмазбек Атамбаевга қотиллик айблови қўйилди