06:33 / 15.08.2020
3 470

Коронавирус ҳақидаги сохта маълумотлар сабаб вафот этганлар сони ҳисоблаб чиқилди

Коронавирус ҳақидаги сохта маълумотлар сабаб вафот этганлар сони ҳисоблаб чиқилди
Коронавирус ҳақидаги сохта маълумотлар дунё бўйлаб камида 800 кишининг ўлимига сабаб бўлган. Бу ҳақда Американинг Тропик тиббиёт ва гигиена журналига таяниб «Korrespondent.net» хабар берди.

Тадқиқот Австралия, Бангладеш, Таиланд ва Япониядан ўнта олим томонидан ўтказилган. Олимларнинг аниқлашича, қурбонларнинг аксарияти метанол ёки алкогол асосидаги дезинфекцияли моддалар билан заҳарланиш натижасида шундай ҳолга тушган. Улар юқоридаги моддалардан тайёрланган дезинфекция воситасини COVID-19’ни «даволаш» сифатида ишлатган.

Хусусан, олимлар дунёнинг 87 мамлакатидан келган 2 276 та хабарни таҳлил қилган, уларнинг аксариятида коронавирус касаллигининг табиати, унинг юқиш йўллари, профилактика чоралари ва даволаш усуллари ҳақида сохта маълумотлар мавжуд.

Бундай хабарлар натижасида турли мамлакатларда 800 га яқин одам вафот этган, 60 киши кўриш қобилиятини йўқотган ва қарийб олти минг киши тиббий ёрдамга муҳтож бўлиб қолган.

Аввалроқ Россия разведкасининг 2 ходими коронавирус ҳақида ёлғон маълумотлар тарқатгани ҳақида хабар берилган эди.

Манба: Daryo
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)