Фото: «Sportsweek.org»
Жаҳон соғлиқни сақлаш ташкилоти карантиндан кейин мамлакатларнинг очилишини қўллаб-қувватлайди, фақат ҳалокат рўй бермаслиги учун хавфсизлик қоидаларига амал қилиш керак, деди брифингда ЖССТ бош директори Тедрос Адханом Гебрейесус.
«ЖССТ жамият ва иқтисодиётни очишга бўлган уринишларни қўллаб-қувватлайди. Болаларнинг мактабга, одамларнинг эса ўз иш жойларига қайтишини кўришни истаймиз. Лекин бунинг хавфсиз амалга оширилиши тарафдоримиз. Мамлакатлар вирусни қанча кўп назорат қилса, улар шунча кўпроқ очилиши мумкин. Назоратсиз очилиш — фалокат рецепти», — деди у.
Унинг сўзларига кўра, давлатлар одатий ҳаёт тарзига қайтиши учун камида тўртта асосий қадамни ташлаши зарур.
Биринчидан, одамларнинг катта гуруҳлари орасида вирус тарқалишини чеклаш. Бундай юқтириш оммавий тадбирларда, хусусан, тунги клубларда, стадионларда, катта-катта диний маросимларда қайд этилади.
Иккинчидан, ўлим даражасини камайтириш учун вирус олдида энг заиф одамлар гуруҳини ҳимоя қилиш даркор.
Учинчидан, ҳар бир инсон жамият хавфсизлигини таъминлаш учун ўз ҳиссасини қўшмоғи лозим — ниқоб тақиш, масофа сақлаш, қўл ювиш ва ҳоказо.
Тўртинчидан, ҳукумат касалланганларни аниқлаш, бошқалардан ажратиш, тест ўтказиш, даволаш ҳамда алоқаларни топиш учун тегишли чораларни кўриши керак. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Нега Трамп Зеленскийни ёмон кўради?
Давлат хавфсизлик хизмати маклерларга қўшиб мансабдорларни ҳам қўлга олди
Сирдарёда бюджетга жуда кўп миқдорда зарар етказган майнинг ферма аниқланди
Бухоро вилоятида «Нексия-3» автомашинаси букланиб қолди
Хотирани яхшилашнинг жуда оддий усули топилди