Озарбайжон ва Арманистон янги келишувга эришганини эълон қилди

Арманистон ва Озарбайжон тинчлик сулҳига келишганини эълон қилди. Келишувга кўра, у 18 октябрь куни маҳаллий вақт билан ярим тунда кучга киради.

Ушбу маълумотни Арманистон ва Озарбайжон Ташқи ишлар вазирликлари расман тасдиқлади.

Эслатиб ўтамиз, жорий йил сентябрь ойи охирида ҳудуддаги кескинлик яна кучайди.

Москвада икки давлат ТИВ раҳбарлари учрашувида 10 октябрдан оташкесимга амал қилишга келишилди, аммо сулҳ мўрт бўлиб чиқди. Шунингдек, Озарбайжоннинг Ганжа шаҳрига ракета ҳужуми ва тинч аҳолининг қурбон бўлиши вазиятни кескинлаштирди. «Замин»ни Telegram’да ўқинг!