АҚШда коронавирусга эмланган ҳамшира телевидениедаги жонли эфир вақтида ҳушидан кетиб қолди (видео)

^{Фото: «Korrespondent.net»}
АҚШнинг Теннесси штатидаги CHI Memorial шифохонасида 17 декабрь куни ҳамшира коронавирусга қарши эмлашдан кейинги матбуот анжумани вақтида ҳушидан кетиб қолди. Бу ҳақда «Korrespondent.net» хабар берди.

Теннессида CHI Memorial шифохонасининг ходимларида Pfizer компаниясининг вакцинаси билан биринчи эмлаш амалга оширилди. Матбуот анжумани вақтида ҳамшира Тиффани Doveр ҳушидан кетиб қолди.

COVID-19’га қарши вакцина қабул қилинганидан, тахминан, 17 дақиқа ўтгач, ҳамшира бош айланишини ҳис қилган, узр сўраган ва ҳушини йўқотган.

WATCH: Nurse passes out on live TV after taking vaccine in Chattanooga, Tennessee. Nurse Manager Tiffany Dover was okay and spoke again with local station WTVC, saying she has a condition where she often faints when she feels pain.

“It’s common for me,” she said. pic.twitter.com/wqUhX577vc
— Breaking911 (@Breaking911) December 18, 2020

«Мен ўзимни бироз ёмон ҳис қилдим, бироқ энди яхшиман, қўлимдаги оғриқ ҳам ўтиб кетди», — дея маълум қилган ҳамшира кейинроқ.
Ҳамшира бироз вақтдан кейин журналистлар билан яна гаплашган ҳамда оғриқни ҳис қилганда тез-тез ҳушдан кетишини ва бу унинг учун одатий ҳолат эканлигини айтган.

CHI Memorial шифокорларининг маълум қилишича, ҳамширанинг ҳушидан кетиши вакцина билан боғлиқ бўлмаган. Касалликлар назорати маркази ҳам ҳушдан кетиш барча эмлаш турлари учун камёб ҳодиса эмаслигини ва кўпинча безовталик ёки оғриқ натижасида юз беришини билдирган.

Янгиликлар