Трамп Оқ уйни тарк этди (видео)

^{Фото: REUTERS/Leah Millis}
АҚШнинг амалдаги президенти Доналд Трамп Оқ уйни тарк этди ва Флорида штатига йўл олди. Аввалроқ у биринчи хоним Меланя Трамп билан бирга Флоридадаги Палм-Бич шаҳрига бориши маълум қилинганди.

Reuters агентлиги эса Трамп дастлаб Вашингтон яқинидаги Эндрюс ҳарбий базасида хайрлашув маросимини ўтказиши тўғрисида хабар берганди.

АҚШда президент сайлови 2020 йил 3 ноябрда бўлиб ўтди. 14 декабр куни сайловчилар ҳайъати овоз бериш натижаларини тасдиқлади. Унга кўра, Жозеф Байден мамлакатнинг янги президенти бўлди.

6 январ куни Сенат ва Конгресс вакиллар палатаси Байденнинг ғалабасини тасдиқлади. Жозеф Байденнинг инаугурация маросими 20 январ куни 22:00 (Тошкент вақти билан) бўлиб ўтади.
«Замин»ни Telegram’да ўқинг!