10:00 / 21.02.2021
2 138

Буюк Британиялик 21 яшар ўқитувчи қиз Атлантика океанини якка кесиб ўтди

Буюк Британиялик 21 яшар ўқитувчи қиз Атлантика океанини якка кесиб ўтди
Буюк Британиялик 21 ёшли Жасмин Харрисон Атлантика океанини қайиқда якка сузиб ўтган энг ёш аёл бўлди, деб ёзади The Guardian.

Маълумотларга кўра, y ўқитувчи ва шунингдек, бармен сифатида ишлайди, саёҳатни 2020 йил декабрида Канар оролларидан (Ла Гомера ороли) бошлаган. Унинг Кариб денгизидаги Антигуа оролига eтиб бориши учун 70 кун, уч соат ва 48 дақиқа вақт кетган.

Харриссоннинг айтишича, у қайиқда 4828 км (3000 мил) масофани сузиб ўтган. Унинг сўзларига кўра, саёҳатдан «яхши ва ёмон хотиралар» қолади.

Таъкидланишича, ўқитувчи йўлда бир қатор муаммоларга дуч келган. Унинг қайиғи феврал ойи бошида ағдарилиб кетган. Икки кун олдин ҳам бу яна такрор содир бўлиб, натижада қиз тирсагидан жароҳат олган, деб ёзади газета.

Шу вақтга қадар Атлантика океанидан ёлғиз сузиб ўтган энг ёш аёл америкалик Кэти Спотц эди. У буни 2010 йилда, 22 ёшида амалга оширган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Буюк Британиялик 21 яшар ўқитувчи қиз Атлантика океанини якка кесиб ўтди