21:20 / 10.03.2021
1 063

Москвада Porsche учинчи қават деворини тешиб ўтиб, бино деворида осилиб қолди

Москвада Porsche учинчи қават деворини тешиб ўтиб, бино деворида осилиб қолди
Фото: «Москва» агентлиги
Москвадаги турар жой комплексларидан биридаги кўп қаватли автотураргоҳда бошқарувни йўқотган Porsche Macan ҳайдовчиси деворни тешиб қўйди. Кўнгилсиз ҳодиса оқибатида оқ кроссовернинг олд қисми учинчи қаватдан чиқиб, ердан бир неча метр баландликда осилиб қолган, деб хабар беради Motor.

Ноодатий авария 9 март куни тонгда Коломенск кўчасидаги «Ривер Парк» турар жой мажмуасининг автотураргоҳида содир бўлган. Macan бинонинг ташқи панелини тўлиқ тешиб ўтган ва олд ғилдираклари билан ташқарига чиқиб қолган.

Telegram’даги Life Shot каналининг маълумотларига кўра, кроссовер «Нефтехимик» хоккей клубининг собиқ ўйинчиси Денис Казиновга тегишли. Авария жойидан олинган суратларга кўра, Porsche ҳайдовчисига жароҳат етмаган.

Фото: «Москва» агентлиги
Macan’нинг паркинг девори билан тўқнашувига айнан нима сабаб бўлгани ҳозирча номаълум — фақатгина ҳайдовчи бошқарувни эплай олмагани айтилмоқда.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Москвада Porsche учинчи қават деворини тешиб ўтиб, бино деворида осилиб қолди