Қирғиз-тожик чегарасида маҳаллий тўқнашувлар юз бермоқда

1 дақиқа ўқиш2.9K
Қирғиз-тожик чегарасида маҳаллий тўқнашувлар юз бермоқда
Фото: «Спутник Тажикистан»
Қирғиз-тожик чегарасида жиддий кескинлик ўчоқлари мавжуд эмас, фақат маҳаллий тўқнашувлар юзага келиб, Тожикистон тарафидан провокациялар уюштирилмоқда. Бу ҳақда Қирғизистон бош вазирининг биринчи ўринбосари Артём Новиков «Интерфакс»га таяниб "Дарё" маълум қилди.

«Музокаралар чоғида қўшинларни олиб чиқиб кетиш ва вазиятни ҳал қилиш бўйича ҳаракатларни бошлаш тўғрисида келишувга эришилди. Ҳозирги пайтда маҳаллий тўқнашувлар юз бермоқда, Тожикистон провокацияларидан бошқа кескинликнинг асосий ўчоқлари йўқ», — дейди Новиков.

Унинг сўзларига кўра, Қирғизистон ҳукумати вазиятни тўлиқ назоратига олган.
«Ҳукумат жабрланганларга гуманитар ва тиббий ёрдам кўрсатмоқда. Кескинлик ўчоғига яқин қишлоқлардан маҳаллий аҳоли, асосан аёллар ва болалар эвакуация қилинди. Соғлиқни сақлаш вазирлиги ҳалок бўлганларнинг рўйхатларини аниқлаб берди. Улар орасида чегара хизмати ходимлари ва тинч аҳоли ҳам бор», —деди Новиков.

Бош вазирнинг биринчи ўринбосари зиддият бартараф этилиши биланоқ, кейинги қадамлар ишлаб чиқилишини таъкидлади. «Отишмани тўхтатиш тўғрисида келишувга эришилди. Умид қиламизки, тожик томони келишувларга риоя қилади ва провокациялар яратмайди», — дея қўшимча қилди у.

Тожикистон ҳукумати чегарадаги қуролли тўқнашув пайтида ҳалок бўлганлар ва жароҳат олганлар тўғрисида ҳали расмий маълумот бермаган.

Asia-Plus манбаларига таяниб хабар беришича, Сўғднинг Исфара шаҳри ва Бобожон Ғофуров туманида 30 апрель куни эрталаб тўқнашувлар пайтида 90 дан ортиқ Тожикистон фуқаролари жароҳат олган, 10 га яқини ўлдирилган.
Қирғизистон Соғлиқни сақлаш вазирлигининг маълумотларига кўра, 30 апрель куни, эрталаб соат 7:50 ҳолатига кўра, тўқнашув пайтида 134 нафар қирғизистонлик турли даражада жароҳат олди, 13 киши ҳалок бўлди. Қирғизистон ҳукумати Тожикистон билан чегарадаги можаро зонасидан 2726 фуқарони хавфсиз жойларга эвакуация қилган.

Қирғизистон ва Тожикистон чегарасидаги низо 28 апрель куни маҳаллий аҳоли ўртасидаги жанжал билан бошланган эди. У эса тожикистонлик ҳарбийлар баҳсли ҳудудда жойлашган «Головной» сув тақсимлаш пункти яқинидаги электр устунига видеокузатув камераларини ўрнатганидан кейин келиб чиққан. Қирғизистон чегара хизматининг ахбороти бўйича 29 апрелда икки давлат ҳарбийлари ўртасида отишма содир бўлган. Идора тожик томонининг миномёт ҳисоб-китоб позицияларини эгаллашни ташкиллаштираётганини қайд этган.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?