18:06 / 27.09.2021
945

Алиментдан қарздор бўлган фуқарога нисбатан қидирув ишлари давом этмоқда

Алиментдан қарздор бўлган фуқарога нисбатан қидирув ишлари давом этмоқда
Мажбурий ижро бюросининг вилоят бошқармаси томонидан фуқаро С.Эшқулованинг «Facebook» интернет ижтимоий тармоғи орқали бир нафар фарзандинг моддий таъминоти учун алимент пулини собиқ турмуш ўртоғидан ололмаётганлиги юзасидан норози бўлиб йўллаган мурожаати ўрганиб чиқилди.

Аниқланишича, Фуқаролик ишлари бўйича Сариосиё туманлараро судининг 15.09.2017 йилдаги суд буйруғига асосан қарздор Қ.Хайитовдан ундирувчи С.Эшқулова фойдасига бир нафар вояга этмаган фарзандининг моддий таъминоти учун иш ҳақи ва бошқа даромадларининг 1/4 қисми миқдорида алимент ундириш тўғрисидаги ижро ҳужжати Бюронинг Олтинсой туман бўлим иш юритувига келиб тушган.

Ижро ҳаракатлари давомида, қарздор Қ.Хайитов яшаш манзилида бир неча йиллардан буён яшамаслиги ва номаълум томонга чиқиб кетганлиги, бу манзилда унга тегишли мол-мулклари йўқлиги аниқланган ва бу ҳақида ҳужжатлар расмийлаштирилиб, қарздор Қ.Хайитовга нисбатан қидирув эълон қилинган.

Шундан сўнг, олиб борилган тушунтириш ишлари давомида, қарздорнинг яқин қариндошлари томонидан туман почта алоқа тармоғи орқали 10.09.2021 йилда 400.000 сўм алимент пуллари ундирувчининг яшаш манзилига юборилиши таъминланган.

Қарздор Қ.Хайитовнинг алимент тўловларидан қарздорлиги ҳозирги кунда, 18.515.711 сўмни ташкил этади ва ушбу қарздорликни ундириш бўйича тегишли чоралар кўрилмоқда. Жумладан, ҳозирда қарздорга нисбатан Бюронинг Сурхондарё вилоят бошқармаси томонидан қидирув ишлари олиб борилаётганлиги маълум қилинади.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Алиментдан қарздор бўлган фуқарога нисбатан қидирув ишлари давом этмоқда
[/banner_pushhouse