Грузияда Михаил Саакашвили қўлга олинди

2 дақиқа ўқиш1.9K
Грузияда Михаил Саакашвили қўлга олинди
Фото: ТАСС
Грузиянинг собиқ президенти Михаил Саакашвили Грузияда ушланди. У аввалроқ ижтимоий тармоқларда ватанига қайтганини маълум қилганди. Сиёсатчининг қўлга олинганини Грузия бош вазири Ираклий Гарибашвили маълум қилди.

“Мен Грузиянинг учинчи президенти, қидирувда бўлган Михаил Саакашвили қўлга олингани ва ахлоқ тузатиш муассасасига олиб кетилганини маълум қилмоқчиман”, деб айтган Гарибашвили брифингда.

Бош вазир собиқ президентнинг қўлга олиниши тафсилотларини маълум қилмаган, фақат республика ҳуқуқ-тартибот идоралари Саакашвилини ушлаш бўйича амалиётни “олий даражада” ўтказишганини айтган. Унинг таъкидлашича, куч тузилмалари Саакашвилининг Украинадан Грузиягача ҳаракатланиши ҳақида маълумотга эга бўлган.

“Қўлга олишга тўсқинлик қилиши мумкин бўлган омилларни минималлаштириш учун қулай вақт ва жой танланди”, деб қўшимча қилган Гарибашвили ва куч тузилмаларига ўтказилган амалиёт учун миннатдорлик билдирган.

Таъкидланишича, Саакашвили ҳозирда Тбилисидаги турмада ушлаб турилибди. У бир қатор жиноятлар бўйича 9 йилгача озодликдан маҳрум этилиши мумкин. У иккита жиноий иш бўйича сиртдан жазоланган, бироқ бошқа ишлар бўйича ҳали ҳукм чиқарилмаган.

1 октябрь эрталаб Саакашвили ижтимоий тармоқларда Грузияга келганини ва Батумида эканини маълум қилган. Ўз навбатида Грузия ички ишлар вазирлиги ва ОАВ сиёсатчи Украина ҳудудини тарк этмаганини таъкидлаган.

Украинада Саакашвили ташаббуси билан ташкил этилган оддий ечимлар ва натижалар офиси раҳбари Мария Барабаш Грузиянинг мухолиф телеканали “Мтавари архи”га Грузиянинг собиқ президенти ватанида эканини тасдиқлаган.

Грузиянинг ҳукмрон “Грузия орзуси” партиясида Саакашвили аслида Украинанинг Трускавец шаҳрида экани, ижтимоий тармоқлардаги постида эса монтаж қўллангани маълум қилинган.

Аввалроқ Саакашвили Грузияга Киев – Тбилиси авиарейси билан мамлакатда 2 октябрда ўтадиган сайловлардан кейин келишини маълум қилган.

Михаил Саакашвили 2004–2013 йиллар давомида Грузия президенти лавозимини эгаллаган. 2013 йилларда ўтган навбатдаги сайловларда мағлубиятга учрагач, мамлакатни тарк этган. Сўнгра у Украинада сиёсат билан шуғуллана бошлаган. 2015 йилда Одесса области губернатори этиб тайинланган, президент Пётр Порошенконинг маслаҳатчиси бўлган. Бироқ 2016 йилда сиёсатчи Порошенко билан зиддиятга бориб, мухолифатга ўтган, Украина фуқаролигидан маҳрум этилган ва 2018 йилда депортация қилинган.

2019 йилда Украинада ҳокимият тепасига Владимир Зеленский келгандан кейин Саакашвилига Украина фуқаролиги қайтариб берилган ва у Киевга қайтган. Ҳозирда у Украинада ислоҳотлар амалга ошириш билан шуғулланади. Грузияда эса унинг “Ягона миллий ҳаракат” партияси бор.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?