00:40 / 12.04.2022

Урушнинг 46 куни: Ракета тушган яйлов, вайроналар остидан ўғлини қидираётган қария

10 апрель куни Бирлашган Миллатлар Ташкилоти уруш бошланганидан бери Украинада 1793 нафар тинч аҳоли, жумладан 142 бола ҳалок бўлганини маълум қилди. Украина Қуролли кучлари маълумотларига кўра, Россия армияси Изюм ҳудудидаги мудофаани ёриб ўтишга, Мариупол устидан тўлиқ назорат ўрнатишга ва Николаев йўналишидаги бўлинмаларнинг тактик позициясини яхшилашга уринмоқда.

Россия босқини бошлангандан буён Владимир Зеленский қўлига қурол олиб мамлакат ҳимоясига тайёрлигини билдирган 363 маҳкумни афв этди. Meduza урушнинг 46-куни акс этган асосий фотосуратларни жамлади.

^{Киев вилоятининг Бузовая қишлоғида полиция ходимлари ёқилғи қуйиш шохобчасидаги қудуқдан тинч аҳоли вакилининг жасадини тортиб олмоқда. Қишлоқ раҳбарининг сўзларига кўра, эркак рус аскарлари томонидан ўлдирилган.
Фото: Reuters}

^{Харьковдаги вайрон қилинган беш қаватли турар жой
Фото: AFP}

^{Киевлик қиз шаҳар четида
Фото: EPA}

^{Украинанинг Лукашовка қишлоғида сигир далага қулаган ракетага қараб турибди.
Фото: Getty Images}

^{Сапёрлар Киев вилоятининг Мотижин қишлоғи яқинида портламай қолган снарядларни йўқ қилмоқда. Снарядлар Россия армияси босқинидан кейин топилган.
Фото: Reuters}

^{Луганск яқинидаги фронт чизиғида украиналик артиллериячи «Град» баравар ўт очиш тизимни шайламоқда.
Фото: AFP}

^{Украинанинг «Град» тизими рус қўшинларининг Луганск яқинидаги позицияларини ўққа тутмоқда.
Фото: AFP}

^{Первомайскдаги рус гаубицалари, ЛХР.
Фото: «ТАСС»}

^{Киев вилоятининг Бородянка шаҳрида яшовчи кекса аёл бино вайроналари остидан ўғлини қидириб йиғламоқда.
Фото: Reuters}

^{Киев вилоятининг Макаров посёлкасидаги черковда усти ёпиб қўйилган хоч. Украина расмийларига кўра, уруш бошланганидан бери камида 59 та диний обидалар (уларнинг аксарияти православ) вайрон қилинган ёки шикастланган.
Фото: AP Photo}