Фото: «Lisa.ru»
Совуқ мавсумда деярли қуёш чиқмайди, ёздаги каби фаол ҳаракат қилинмайди, витаминлар етишмайди, аммо байрам олдидан керагидан кўпроқ ишлашга тўғри келади. Организмда энергия салоҳияти сезиларли даражада камайиши ажабланарли эмас, шунинг учун кўпчиликда ҳолсизлик кузатилади, кайфият ёмонлашади, диққатни жамлаш қийинлашади, ишлаш сифати пасаяди ва вирусларга бўлган ҳимоя заифлашади.
Аслида эрталаб машқ қилиш, кўпроқ пиёда юриш, иш юкини тўғри тақсимлаш, ёмон одатлардан халос бўлиш керак. Қолаверса, рационга кайфиятни кўтарувчи маҳсулотларни киритиш ҳам ёрдам беради. Улар турли хил фойдали моддаларга бой ва баъзида антидепрессантлардан каби иш беради, деб ёзади «Lisa.ru».
Мандарин
Янги йилни мандаринсиз қандай тасаввур қилиш мумкин эмас. Айтганча, Хитойда байрам кечаси арафасида қариндошлар ва дўстларга иккита мандарин совға қилиш одат тусига кирган — буни фаровонлик ва омад билан боғлашади. Кайфиятни яхшилаш учун қуёшли цитрусларга қараш кифоя. Бундан ташқари, мандарин эфир мойи билан ароматерапияни ташкил қилиш мумкин — унинг ёқимли ҳиди стрессни енгиллаштиради, ташвишларни йўқ қилади ва организмнинг энергия захираларини тиклайди. C витамини туфайли ширин ва нордон бўлаклар иммунитетни тиклаш хусусиятига эга. Мавсумий инфекциялардан ҳимояланиш учун кунига 1-2 та мандарин истеъмол қилиш кифоя.
Ананас
Фото: «Lisa.ru»
Байрамона зиёфатлардан кейин ошқозонда ноқулайлик ҳис қиласизми? Бир тилим янги ананас истеъмол қилиш ёки унинг шарбатидан бир стакан ичиш тавсия этилади. Бу мевада ошқозон ва ичакларни рағбатлантирувчи моддалар мавжуд. Бундан ташқари, ананас таркибида витаминларнинг бутун мажмуаси мавжуд: А, C, B1, B2, B9, B12, PP, шунингдек калий, кальций, натрий, магний, мис, марганес, фосфор, темир, ёд, — бир сўз билан айтганда, кучли иммунитет, соғлом юрак ва қувноқ кайфият учун керак бўлган ҳамма нарса. Бир аср олдин шамоллаш, бронхит ва ҳатто гипертонияда шифокорлар беморларга вақти-вақти билан ананас истеъмол қилишни тавсия қилган.
Банан
Банан организмни керакли энергия билан таъминлайди, организмдаги калий мувозанатини тиклайди ва тез юрак уришини тинчлантиради. Бананларда серотониннинг ўринбосаридан бири бўлган 5-гидрокситриптамин ҳам мавжуд. Бу мия фаолиятига ижобий таъсир кўрсатади. Бананларнинг ягона салбий томони шундаки, унинг калорияси юқори.
Шоколад
Ҳақиқий қора шоколадни севувчилар ёмон кайфиятдан шикоят қилиш эҳтимоли камроқ. Тадқиқотчиларнинг фикрига кўра, шоколад таркибида бир қатор психофаол моддалар, жумладан, ҳис-туйғуларни тартибга солишга ёрдам берадиган «бахт моддаси» бўлган фенилетиламин мавжуд. Бундан ташқари, шоколад тайёрланадиган какао депрессиянинг олдини олишга ёрдам берадиган флавоноид, антиоксидантларга бой. Айтганча, шоколадли таблеткалар систолик (юқори) босимни 3 мм Hg га камайтиради. Бундан ташқари, қора шоколад инсульт хавфини 8 фоизга, юрак-қон томир касалликларини эса 5 фоизга камайтиради.
Кўк чой
Фото: «Lisa.ru»
Кўк чойда қаҳвадагидан кам кофеин йўқ, лекин у анча юмшоқ таъсир кўрсатади ва энергияни кўпроқ оширади. Кўк чой хотирани яхшилайди, ақлий фаолиятни оширади ва умуман олганда, мия ҳужайраларини яхшироқ фикрлашига ёрдам беради. Кунига атиги 1 стакан ушбу ичимлик Альцгеймер касаллиги каби ёшга боғлиқ когнитив муаммолар хавфини камайтириши аниқланди. Кўк чойнинг одатий таъмини занжабил, апельсин қобиғи ёки бир чимдим зира билан бойитиш мумкин.
Кефир
Мунтазам равишда кефир ичадиган, творог ёки йогурт истеъмол қиладиган одамлар ўзларини бахтли ҳис қилади, чунки табиий ферментланган сут маҳсулотлари психобиотик хусусиятларга эга. Булар яхши бактерияларнинг маълум штаммлари бўлиб, нафақат ичак микробиомини яхшилайди, балки кайфиятга ҳам фойдали таъсир кўрсатади, асабий тарангликни енгиллаштиради, ташвишларни камайтиради, кортизол (стресс гормони) даражасини пасайтиради ва шу билан бирга серотонин даражасини оширади (бахт гормони).
Олимларнинг таъкидлашича, психобиотиклар мия биокимёсида бахт ҳисси учун зарур бўлган моддаларни синтез қилишда иштирок этади. Табиий ферментланган сут маҳсулотлари фойдали ҳисобланади. Таъбга кўра, кефирга резавор, мева бўлаклари ёки асал қўшиш мумкин. Қолаверса, кефирни эрталаб оч қоринга ичиш янада фойдали. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Олимлар Антарктида устидаги озон тешигининг қисқарганини эълон қилди
Исроил собиқ бош вазири Нетаньяхуни Ғазодаги операцияни чўзишда айблади
Словакия ўзбекистонликларни ишга таклиф қиляпти
Евроиттифоқ элчиси ишга қандай транспортда боради?
«ФСБ» Украина ҳарбий разведкаси агенти ўлдирилгани ҳақида хабар берди
“Ҳизбуллоҳ” Ливандаги пейжер портлашлари туфайли Исроилни жазолаш билан таҳдид қилди
Ўзбекистон босиб олинган Фаластин ҳудудидан Исроил қўшинлари чиқиб кетишига овоз берди
АҚШда шериф судяни отиб ўлдирди
