Нонушта инсон ўзини кун давомида қандай ҳис қилишини белгилайдиган муҳим таомдир. Фақат соғлиғингизга зарар етказадиган баъзи овқатлардан воз кечган маъқул, деб ёзади РБК нашри.
Сендвичлар
Бутербродларда тўйинган ёғлар кўп учрайди, хамирли маҳсулотлар — булочкалар узоқ вақт давомида мунтазам равишда истеъмол қилинса, бу юқори холестерин даражасига ва яллиғланишга ҳисса қўшиши мумкин.
Фастфудлар таркибида транс ёғлари ҳам мавжуд бўлиб, улар организмдаги яллиғланишнинг юқори даражаси билан бевосита боғлиқ.
Яллиғланишни камайтириш ва севимли овқатларингиздан баҳраманд бўлиш учун ёғсиз гўшт ва бутун донли нондан тайёрланган нонушта сендвичларини танлашингиз керак.
Сироп билан қаҳва
Мутахассисларнинг таъкидлашича, қора қаҳвани меъёрида ичиш организмдаги яллиғланишни камайтиради, аммо шакарли сиропларни қўшсангиз, бунинг акси бўлади.
Шакар яллиғланишни кучайтиради. Шунинг учун энг яхши танлов сутли классик латте қаҳвасидир.
Нонушта донлари
Кўпгина қуруқ нонушта донларига оддий углеводлар ва шакар қўшилади. Бу қонда қанд даражасини ошириши мумкин.
Қонда қанд миқдорининг ўзгаришига йўл қўймаслик ва организмга углеводларни ўзлаштиришга ёрдам берадиган клетчатка ва оқсилга бой донларни танланг.
Нон
Эрталаб сариёғ билан бир бурда иссиқ тостер нонидан кўра мазали нарса йўқ. Аммо, афсуски, оқ нон оқ ундан тайёрланади, у тезда сўрилади ва бир-икки соат ичида очлик ҳиссини пайдо қилади. Оқ тозаланган ун яллиғланиш даражасининг ошиши билан боғлиқ.
Бекон ва тухум
Ёғ миқдори юқори бўлган яна бир машҳур нонушта тури — ўсимлик ёғи.
Пиширилган тухум ўрнига товуқ ва сабзавотлардан омлет тайёрлаган маъқул. Бу организм учун анча фойдалироқ.
Қайси вақтда нонушта қилган маъқул?
Нонушта учун энг яхши вақт тонгги соат 6 дан 10 гача. Тушликни 12 дан 14 гача қилган маъқул. Тушлик нонуштадан енгилроқ ва кечки овқатдан кўра бой бўлиши керак.
Ёғли таомлардан кўра, протеинли овқат ва салатларни танлаган маъқул. Одатда, тушликни ўтказиб юборадиганлар кечки овқатни икки ҳисса кўп ейиш билан озиқ-овқат етишмаслигини қоплашга уриниб кўрадилар.
“Замин” янгиликларини “Twitter”да кузатиб боринг
