Гастроэнтеролог Татяна Немалцеванинг таъкидлашича, сут оқсилига аллергияси бўлган одамларга музқаймоқдан воз кечиш, лактаза етишмовчилиги (лактоза - сут шакарини парчалаш ферменти) бўлса, маҳсулотни жуда чекланган миқдорда ишлатиш тавсия этилади. Бу ҳақда Zakon.kz хабар бермоқда.
Бундан ташқари, у диабет, углевод алмашинуви бузилиши ва панкреатитда музқаймоқни таомномадан чиқариб ташлашни маслаҳат беради. Семиришга йўлиққан ва ортиқча вазнли одамлар ҳам музқаймоқ истеъмол қилмасликлари керак. Чунки у калорияли.
«Музқаймоқ жуда юқори калорияли маҳсулот бўлиб, 100 грамм учун тахминан 200-300 ккал мавжуд ва унинг таркибида кўп миқдорда углеводлар ва ёғлар бор, бу ошқозон ости бези учун номақбул юкдир, чунки у инсулин ва ферментларни интенсив ишлаб чиқариши керак. Мева музининг калорияси камроқ ва агар у асосан табиий ингредиентлардан иборат бўлса, бу маҳсулотни истеъмол қилиш мумкин», деди эксперт.
Бундан ташқари, шифокор музқаймоқ таркибига эътибор қаратишни тавсия қилади. Ҳақиқий музқаймоқ таркибида ўсимлик ёғлари (пальма, кокос ёғи ва бошқалар) ва сут ўрнини босувчилар бўлиши мумкин эмас.
«Агар ушбу маҳсулотлар музқаймоқ ишлаб чиқаришда ишлатилган бўлса, унда «музқаймоқ» деб аталадиган нарса стандарт бўйича тайёрланмаган ва ишлаб чиқарувчи бундай маҳсулотни музқаймоқ деб аташга ҳақли эмас», дейди у.
“Замин” янгиликларини “Twitter”да кузатиб боринг
