Нима учун соат 21:00 дан кейин овқатланиш тавсия этилмайди?

^{Фото: Shutterstock}
Кеч овқатланиш зарарсиздек бўлиб туюлиши мумкин, лекин кеч овқатланишни яхши кўрадиганлар билмаган ҳолда хавфли патологияни ўзларига яқинлаштиради.

Француз олимлари томонидан ўтказилган тадқиқотда 100 мингга яқин инсон иштирок этади. Уларнинг ҳар бири иш ва дам олиш кунларида овқатланиш вақтини белгилаб борадиган озиқ-овқат кундалигини тўлдиради. Кузатишлар 7 йил давом этиб, шу давр мобайнида 2000 дан ортиқ юрак-қон томир касалликлари қайд этилади.

Олимлар соат 21:00 дан кейин овқатланадиган инсонларда 20:00 гача овқатланадиганларга қараганда инсульт ёки вақтинчалик ишемик касаллиги (мини-инсульт) 28 фоизга кўпроқ бўлганини аниқлайди.

^{Фото: Shutterstock}
Ҳайвонлар устида олиб борилган тадқиқотлар натижалари озиқ-овқатнинг кеч ҳазм бўлиши қондаги қанд миқдори ва қон босимини сезиларли даражада ошишига олиб келишини кўрсатди. Вақт ўтиши билан қон томирларига зарар етказиши мумкин, шунингдек, юрак хуружи ва инсультга сабаби бўладиган тромб пайдо бўлиш хавфини оширади.

Тадқиқотчи доктор Бернар Сроурнинг таъкидлашича, бугунги кунда тиғиз иш жадваллар билан банд бўлсак-да, кечки овқат вақтини тўғри танлаш юрак саломатлиги учун жуда муҳимдир. Шу билан бирга, юрак-қон томир касалликлари ва овқатланиш вақтининг бузилиши асосан тадқиқотда иштирок этган аёлларда қайд этилган.

^{Фото: Shutterstock}
Организмнинг яхши ишлаши ва юрак саломатлигини сақлаш учун озуқа таркибида асосини картошка, нон, гуруч, макарон ва бошқа крахмалли углеводлар бўлиши лозим. Ҳар куни ҳар хил мева ва сабзавотлар, шунингдек, 30 грамм клетчатка истеъмол қилиш лозим. Қолаверса, сут маҳсулотларини ёки уларнинг муқобилларини (масалан, соя ичимликлари) истеъмол қилишни, шакар ва ёғ миқдори паст бўлган маҳсулотларни ва етарли миқдорда дуккакли, балиқ, тухум ва гўшт истеъмол қилишни унутманг. “Замин” янгиликларини “Youtube”да кузатиб боринг